ಗ್ರೀಷ್ಮಾ

ಮಳೆಗಾಲದಲ್ಲಿ ಮಳೆಯ ಶಬ್ದ ಹೃದಯ ಬಡಿತದಷ್ಟೇ ಸ್ಥಿರವಾಗಿರುವ ಸಿರ್ಸಿಯಲ್ಲಿ
ಹುಟ್ಟಿ ಬೆಳೆದ ಮೇಲೆ ಮಳೆಯ ಬಗ್ಗೆ ಕವನವನ್ನು ಬರೆಯದಿದ್ದರೆ ಹೇಗೆ?
ಆದರೆ ಈ ಕವನ ಬರೆದಿದ್ದು "ಗ್ರೀಷ್ಮಾ" ಎನ್ನುವ ಹೆಸರಿನ ಆತ್ಮೀಯ ಗೆಳತಿಗಾಗಿ..

ನಿನಗಾಗಿ ಕಾಯುತ್ತಿದೆ ಭುವಿಯು,
ತನ್ನೊಡಲ ತಣಿಸಿಕೊಳ್ಳಲು;
ಹಸಿರ ಸೀರೆಯನುಟ್ಟು ಮೆರೆಯಲು.

ಕಾಯುತ್ತಿದೆ ಕೊಳದಲಿರುವ ತಾವರೆಯು,
ಹೂವಾಗಿ ಕ೦ಗೊಳಿಸಲು;
ಭುವಿಗೆ ಸಿ೦ಗಾರವಾಗಲು.

ನಿನ್ನ ಬರುವಿಕೆಯ ಎದುರು ನೋಡುತ್ತಿದೆ ನದಿಯು,
ನೀರು ತು೦ಬಿಸಿಕೊ೦ಡು ಉಕ್ಕಿ ಹರಿಯಲು;
ಹರಿದು ಸಮುದ್ರ ಸೇರಲು.

ಸದಾ ಕಾಯುತ್ತಿರುತ್ತೇನೆ ನಾನೂ
ಭುವಿ, ತಾವರೆ, ನದಿಯ೦ತೆ - ನಿನ್ನೊಲವ ಕಾಣಲು,
ನಿನ್ನ ನಿನಾದದೊಡನೆ ನನ್ನೆದೆಯ ಬಡಿತ ಸೇರಿಸಲು,
ನಿನ್ನೊಳಗೆ ನಾನು ಐಕ್ಯವಾಗಲು.