Friday, June 6, 2014

ಟ್ಯುಲಿಪ್ ಹೂಗಳು..

ಟ್ಯುಲಿಪ್ ಹೂಗಳನ್ನು ನೋಡಲು Wooden Shoe Tulip Farm ಗೆ ಹೋಗಿದ್ವಿ ಸ್ವಲ್ಪ ದಿನಗಳ ಹಿಂದೆ. ೧೫-೨೦ ಎಕರೆಗಳಷ್ಟು ಹೂಗಳು. ಬಣ್ಣ ಬಣ್ಣದ ಹೂಗಳ ಫೋಟೊ ತೆಗೆದಷ್ಟು ಸಾಲದು.  ೧೯೫೦ ರಿಂದ  ಹೂಗಳನ್ನು ಬೆಳೆಯುತ್ತಿದ್ದರೂ ಮಾರಾಟದಲ್ಲಿ ಅಷ್ಟೇನೂ ಲಾಭವಿರಲಿಲ್ಲವಂತೆ. ೧೯೮೫ ರಲ್ಲಿ ಇದನ್ನು ಎಂಟ್ರಿ ಫಿ ತೆಗೆದುಕೊಂಡು ಪ್ರದರ್ಶನಕ್ಕೆ ಬಿಟ್ಟರಂತೆ. ಸಾಮಾನ್ಯವಾಗಿ ಒಂದು ತಿಂಗಳು ನಡೆಸುವ ಈ ಪ್ರದರ್ಶನದಲ್ಲಿ ತುಂಬಾ ಜನರು ಫೋಟೋಗ್ರಫಿ ಗೋಸ್ಕರನೇ  ಬರುತ್ತಾರೆ. ಇವರ ವೆಬ್ಸೈಟ್ ಮತ್ತು ಫೇಸ್ಬುಕ್ ನಲ್ಲಿ ಆ ದಿನದ ವಾತವರಣ, ಹೂ ಗಳ ವಿವರ ಮತ್ತು ಆ ದಿನದ ಚಟುವಟಿಗೆಗಳನ್ನು ಹಾಕುತ್ತಾರೆ. ಮಕ್ಕಳಿಗಾಗಿ ವಿವಿಧ ತರಹವಾದ ಚಟುವಟಿಗೆಗಳನ್ನು ನಡೆಸುತ್ತಾರೆ. ಹೀಗೆ ಒಂದು ಕಾಲದಲ್ಲಿ ನಷ್ಟದಲ್ಲಿದ್ದ ಫಾರ್ಮ್ ಈಗ ಯದ್ಯಾ ತದ್ವಾ ಲಾಭ ಮಾಡುತ್ತಿದೆ.















ಅಮೇರಿಕಾಕ್ಕೆ ಬರುವ ಮುಂಚೆ ನನಗೆ ಅನ್ನಿಸುತ್ತಿತ್ತು, "ಅಮೇರಿಕ ಮುಂದುವರಿದ ದೇಶ ಇಲ್ಲಿ ಕೃಷಿ ಮಾಡುವವರು ಯಾರು ?" ಎಂದು. ನಮ್ಮ ದೇಶದಲ್ಲಿ ರೈತರೆಲ್ಲಾ ಬಡವರು. ಹೊಟ್ಟೆ ತುಂಬಿಸಿಕೊಳ್ಳಲಾಗದೇ ರೈತಾಪಿ ಬಿಡುವ ಜನರೇ ಜಾಸ್ತಿ. ಆದರೆ ಇಲ್ಲಿ ಹಾಗಲ್ಲ. ಅಗ್ರಿಕಲ್ಚರ್ ಮಾಡುವವರಿಗೆ ಎಲ್ಲಾ ಸೈಕರ್ಯ ವಿದೆ. ನೂರಾರು ಎಕರೆ ಭೂಮಿಯಿದೆ. ಅತ್ಯಾಧುನಿಕ ರೀತಿಯಲ್ಲಿ ಬೆಳೆ ಬೆಳೆಯುತ್ತಾರೆ. ಎಲ್ಲ ಕೆಲಸಗಳನ್ನು ಯಂತ್ರಗಳೇ ಮಾಡುತ್ತವೆ. ಗದ್ದೆಯಲ್ಲಿ ಕೆಲಸ ಮಾಡುವವರೇ ಹೆಚ್ಚಾಗಿ ಕಾಣಿಸುವುದಿಲ್ಲ. ಇವರ ಮನೆಯ ಮುಂದೆ ೪-೫ ಕಾರ್ ಗಳು ನಿನ್ತಿರುತ್ತವೆ.  ಎಲ್ಲಕ್ಕಿಂತ ಹೆಚ್ಚಾಗಿ ಇಲ್ಲಿನ ಭೂಮಿ ಅತಿ ಫಲವತ್ತಾದದ್ದು . ನೀರಿಗಂತೂ ಭರವೇ ಇಲ್ಲ.  ಹೇರಳವಾದ ನೈಸರ್ಗಿಕ ಸಂಪನ್ಮೂಲ ಮತ್ತು ಮನುಷ್ಯನ ಬುದ್ಧಿವಂತಿಕೆಯಿಂದ ಮಾಡಿಕೊಂಡ ಸೌಕರ್ಯದಿಂದ ಇಲ್ಲಿ ಮಾನವ ಸಂಪನ್ಮೂಲದ ಕೊರತೆಯಿದ್ದರೂ ಕೃಷಿ ಇನ್ನೂ ಕೂಡ ಇಲ್ಲಿನ ಪ್ರಮುಖ ಉದ್ಯೋಗ. ನಮ್ಮ ದೇಶದಲ್ಲೂ ಇಂತಹ ಒಂದು ದಿನ ಬರಲಿ ಎಂದು ಆಶಿಸುತ್ತೆನೆ.

2 comments:

  1. ಸುಂದರವಾದ ಹೂ-ಗಳು

    www.spn3187.blogspot.in

    ReplyDelete
  2. Nija.. tumba sudaravaada hugalu:)
    Blog ge bandiddakke Thanks :)

    ReplyDelete