Wednesday, February 13, 2013

ಫೆಬ್ರುವರಿ ೧೩

ಪ್ರೀತಿ ಪಾತ್ರರಾದವರನ್ನು ಖುಷಿ ಪಡಿಸಿದಾಗ ಸಿಗುವ ತೃಪ್ತಿ ಅತ್ಯಮೂಲ್ಯ . ಹಾಗೆ ನನ್ನ ಜೀವನದ ಅತಿ ಖುಷಿಯ ದಿನಗಳಲ್ಲೊಂದು ಫೆಬ್ರುವರಿ ೧೩!ಬೆಂಗಳೂರಿನಿಂದ ಮಂಗಳೂರಿನವರೆಗಿನ ೧ ಘಂಟೆಯ ಪ್ರಯಾಣ ನಿಜಕ್ಕೂ ಮರೆಯಲಾಗದ್ದು ! Unforgettable! Amaizing ! Beautiful ! ಯಾವ ಶಬ್ದಕ್ಕೂ ನಿಲುಕದ್ದು !
ಇದಕ್ಕೆ ಕಾರಣ ವಿಮಾನದಿಂದ ಕಾಣುವ ಸೂರ್ಯ ಹುಟ್ಟುವುದಕ್ಕೆ ಮುಂಚಿನ ನೀಲಿಯಾಕಾಶವನ್ನು ನೋಡಿದ್ದಕ್ಕಲ್ಲ! ಆಗ ತಾನೇ ಉದಯಿಸುತ್ತಿರುವ ಸೂರ್ಯನನ್ನು ಹಾಗೂ ಸೂರ್ಯೊದಯ ದ ಹೊತ್ತಿಗೆ  ಕೆಂಪು ಕೆಂಪಾದ ಆಕಾಶವನ್ನು ನೋಡಿದ್ದಕ್ಕಲ್ಲ ! ಮಂಗಳೂರು, ಉಡುಪಿ, ಮುರುಡೇಶ್ವರದ ಪ್ರವಾಸದ ಖುಷಿಗಂತೂ ಖಂಡಿತ ಅಲ್ಲ ! ಇಷ್ಟಕ್ಕೂ ಕಾರಣ ಪಕ್ಕದಲ್ಲಿ ಮಗುವಿನಂತೆ ನಗುತ್ತ ಕುಳಿತು, ವಿಮಾನದ ಒಳಗೂ ಹೊರಗೂ ಸತತವಾಗಿ ನೋಡಿ enjoy ಮಾಡಿದ ಅಜ್ಜ! ಹಾಗೂ ಅವನ ಕುತೂಹಲಕಾರಿ ಪ್ರಶ್ನೆಗಳು! ಅಜ್ಜನ ವಿಮಾನವೇರುವ ಚಿಕ್ಕ ಆಸೆಯನ್ನು ನೇರವೇರಿಸಿದ ಹೆಮ್ಮೆಗೆ ಆದ ಖುಷಿ ಅಷ್ಟಿಷ್ಟಲ್ಲ. ಫೆಬ್ರುವರಿ ೧೪ ಮರೆತರೂ ಫೆಬ್ರುವರಿ ೧೩ ಮರೆಯದ ಹಾಗೆ ಮಾಡಿದ್ದಕ್ಕೆ Thanks ;-)
Thank you so much Ajja for the unforgettable journey!





 

Thursday, February 7, 2013

ಗೆಳತೀ ....


Photo by: Kavita

 

 

                                                              ವ್ಯಕ್ತ ಪಡಿಸದ ಸ್ನೇಹ,

 

                                                             ಸುಪ್ತ ಪ್ರೀತಿಯ ಭಾವ.

 

                                                        ಆಡಿದಷ್ಟು ಮುಗಿಯದ ಮಾತು,

 

                                                      ಕೈ ಕೈ ಹಿಡಿದು ನಡೆದ ಸವಿ ನೆನಪು.

 

                                                           ಯಾವುದೂ ಮಾಸದಿರಲಿ,

 

                                                            ನಗುವು ಹೂವಿನಂತಿರಲಿ.

 

                                                    ಗೆಳತೀ , ನೀ  ಗೆಳತಿ ಯಾಗಿರಲೀ ಸದಾ! 

 

Tuesday, February 5, 2013

ವಿನೂತನ ಹೊಸವರ್ಷದ ಆಚರಣೆ !

ಹಳ್ಳಿ ಬದುಕಿನ ರೂಢಿಯ ನನಗೆ ಈ ಹೊಸ ವರ್ಷದ ಆಚರಣೆ ಹೊಸತು.೨೦೧೩ ನ್ನು  ಬರಮಾಡಿಕೊಳ್ಳುವ ಸಂದರ್ಭ ದಲ್ಲಿ ನಾನು ತೈವಾನ್ ನಲ್ಲಿದ್ದಿದ್ದರಿಂದ ಇಲ್ಲಿಯವರ ಹೊಸ ವರ್ಷದ ಆಚರಣೆಯನ್ನು ನೋಡುವ ಅವಕಾಶ ಸಿಕ್ಕಿತು.
ತೈವಾನ್ ನಲ್ಲಿರುವ Taipei 101,  2004 ರಿಂದ 2012 ರವೆರೆಗೆ ಪ್ರಪಂಚದ ಅತಿ ಎತ್ತರದ ಕಟ್ಟಡ ವಾಗಿತ್ತು. ಈಗ ಎರಡನೆಯದು. ಅಲ್ಲಿ ಪ್ರತಿ ವರ್ಷ ಪಟಾಕಿ ಸಿಡಿಸುವುದರ ಮೂಲಕ ಹೊಸ ವರ್ಷವನ್ನು ಆಚರಿಸಲಾಗುತ್ತದೆ. ಈ ಸಮಯದಲ್ಲಿ ಕಟ್ಟಡದ ಸುತ್ತಲೂ ೧  ಲಕ್ಷಕ್ಕಿಂತಲೂ ಹೆಚ್ಚು ಜನ ಮೆರೆದರೂ ಯಾವುದೇ ಗಲಾಟೆಯಿಲ್ಲ. ಎಲ್ಲೆಲ್ಲಿ ಜಾಗವಿದೆಯೋ ಅಲ್ಲೆಲ್ಲಾ ಕಡೆ ಅವರವರದೇ ಆದ ಗುಂಪಿನಲ್ಲಿ ಬಂದು ಕೂತು, ಆಟವಾಡುತ್ತಲೋ, ತಿನ್ನುತ್ತಲೋ 12 ಘಂಟೆಯವರೆಗೆ ಟೈಮ್ ಪಾಸ್ ಮಾಡಿ, ಪಟಾಕಿ ಸಿಡಿಯುವುದನ್ನು ನೋಡಿಕೊಂಡು ಶಿಸ್ತಿನಿಂದ ಮನೆಗೆ ಹೊರಟು ಹೋದರು.ಆಲ್ಲಿಯ ಸರ್ಕಾರ ಅಷ್ಟೊಂದು ಜನರಿಗೆ ಮಾಡಿದ ವ್ಯವಸ್ಥೆ  ಹಾಗೂ ಅಷ್ಟೇ ಶಿಸ್ತಿನಿಂದ ಪಾಲಿಸಿದ ಜನರನ್ನು ನೋಡಿ ದಂಗಾದೆ ! ಇಲ್ಲಿಯ ಜನರ ಬಗ್ಗೆ ಇನ್ನೊಮ್ಮೆ ವಿವರವಾಗಿ ಹೇಳಲೇ ಬೇಕು. ಒಂದೇ ಮಾತಿನಲ್ಲಿ ಹೇಳಬೇಕೆಂದರೆ "ಈ ದೇಶದ ಜನ ತುಂಬಾ ಒಳ್ಳೆಯವರು, ಮಾನವೀಯತೆಯನ್ನು ಹೊಂದಿದವರು ಹಾಗೂ ಖುಷಿಯಿಂದ ಬದುಕಲು ಅರಿತವರು"



 










ನಾವು ವೀಡಿಯೊ ಮಾಡಿಕೊಂಡು ಸ್ನೇಹಿತರೊಬ್ಬರು ಫೋಟೊ ತೆಗೆದುಕೊಂಡಿದ್ದರಿಂದ ಫೋಟೊ ಕ್ರೆಡಿಟ್ಸ್ ಎಲ್ಲಾ ಅವರಿಗೆ..
ಎಲ್ಲಾ ಫೋಟೊದಲ್ಲಿ ಬಲಭಾಗದಲ್ಲಿರುವ ಬಿಲ್ಡಿಂಗ್ ಅಡ್ಡ ಬರದಿದ್ದರೆ ಇನ್ನೂ ಚೆನ್ನಾಗಿರುತ್ತಿತ್ತು..ಒಳ್ಳೆಯ ಜಾಗವನ್ನು ತೈವಾನ್ ನವರು ಮೊದಲೇ ಆರಿಸಿಕೊಂಡು ಕುಳಿತುಬಿಟ್ಟಿದ್ದರು ! ಸ್ಪೇನ್ ದೇಶದಿಂದ ಇಂಪೋರ್ಟ್ ಮಾಡಿಕೊಂಡ ಪಟಾಕಿಯನ್ನು ಜಿಪಿಎಸ್ ಟೆಕ್ನಾಲಜಿ ಯ ಮೂಲಕ ಸಿಡಿಸಿದರಂತೆ! 3 ಘಂಟೆ ಮುಂಚಿತವಾಗಿ ಹೋಗಿ 3 ನಿಮಿಷದವರೆಗೆ ಪಟಾಕಿ ಹೊಡೆಯುವುದನ್ನು ನೋಡಿಕೊಂಡು ಮತ್ತೆ 3 ಘಂಟೆ ಕ್ಯೂ ನಲ್ಲಿ ನಿಂತು ಮನೆಗೆ ಬಂದದ್ದಾಯಿತು!!