Tuesday, October 5, 2010

ಚುಟುಕುಗಳು

೧೦ ನೇ ವರ್ಗದಲ್ಲಿ ಬರೆದ ಕೆಲವು ಚುಟುಕುಗಳು. ಈಗ ಅಪಕ್ವ ಅನ್ನಿಸಿದರೂ ಆಗ ಅದು ಖುಷಿ ಕೊಟ್ಟ ಕಾರಣ ಇಲ್ಲಿ ಹಾಕುತ್ತಿದ್ದೇನೆ.

ಕತ್ತಲೆ - ಬೆತ್ತಲೆ

ಕೆಇಬಿಯ ಕಣ್ಣುಮುಚ್ಚಾಲೆಯಾಟದಲ್ಲಿ,
ಹಗಲು-ರಾತ್ರಿ ಸರಿಸರಿ;
ಕಣ್ಣು ಬಿಟ್ಟರೂ, ಮುಚ್ಚಿದರೂ ಕತ್ತಲೆ!
ಬಿಲ್ಲು ಮಾತ್ರ ಬರಾಬರಿ;
ತು೦ಬುವಾಗ ಕೈ ಬೆತ್ತಲೆ!

ಟೋಪಿ

ಗಾ೦ಧಿ ತಾತಾ, ತಾ೦ತ್ಯಾ ಟೋಪಿ
ಹಾಕಿಕೊಳ್ಳುತ್ತಿದ್ದರು ಟೋಪಿ.
ಅವರ೦ತೆ ನಡೆದರು ನಮ್ಮ ನಾಯಕರು,
ಬೇರೆಯವರಿಗೆ ಹಾಕುತ್ತಾ ’ಟೋಪಿ’.

ಪಲಾಯನ

ಸಿನೆಮಾಕ್ಕೂ ರಾಜಕೀಯಕ್ಕೂ ಎಲ್ಲಿಲ್ಲದ ಕೊ೦ಡಿ,
ಅಲ್ಲಿ ಬೋರಾದ ಮೇಲೆ ಬರುತ್ತಾರೆ ರಾಜಕೀಯಕ್ಕೆ ಓಡಿ.
ಸಿನೆಮಾದಲ್ಲಿ ಪಾತ್ರ ಬದಲಾಯಿಸಿದ೦ತೆ,
ಇಲ್ಲೂ ಬದಲಾಯಿಸುತ್ತಾರೆ ಬಣ್ಣವನ್ನು ಗೋಸ೦ಬಿಯ೦ತೆ!

ವಿನಾಶ

ನಮ್ಮ ದೇಶದ ಮ೦ತ್ರಿಮ೦ಡಲ
ಬೆಳೆದು ಬೆಳೆದು ಆಗಿದೆ ಹನುಮ೦ತನ ಬಾಲ,
ಅ೦ದು ಅವ ಸುಟ್ಟದ್ದು ಲ೦ಕಾದೇಶ;
ಇ೦ದು ಇವರಿ೦ದ ನಮ್ಮ ದೇಶವೇ ನಾಶ!

ಜನಸೇವೆ

ರಾಜಕಾರಣಿಗಳೇ ಭಕ್ತರು
ಜನರು ದೇವರ ಸಮಾನ;
ಅದಕ್ಕೇ ದೂರದಿ೦ದಲೇ
ಸಲ್ಲಿಸಿಬಿಡುತ್ತಾರೆ ನಮನ!

ಏಚ್ಚರಿಕೆ

ಹುಡುಗಿಯರ ಕ೦ಡರೆ
ಹಲ್ಲುಕಿಸಿಯುವ ಪೋಲಿ,
ಕಾಲಲ್ಲಿರುವುದು ಕೈಗೆ ಬ೦ದರೆ
ಹಲ್ಲೆಣಿಸಬೇಕಾದಿತು ನೆನಪಿರಲಿ!

ಕವಿಯ ಪಜೀತಿ

ಕವನವೊ೦ದ ಗೀಚಿ ಎ೦ದುಕೊ೦ಡೆ ಥಟ್ಟನೆ;
ಇದಕ್ಕೆ ಗ್ಯಾರ೦ಟಿ ಪ್ರಖ್ಯಾತಿ;
ಕಸದ ಬುಟ್ಟಿಯಲ್ಲೇ ಅದಕಾದಾಗ ಕೊನೆ;
ಹೇಳತೀರದು ನನ್ನ ಪಜೀ
ತಿ.

2 comments:

  1. Ambika, 'pacheethi' anno pada illa ansuthe.
    Adu 'phajeethi'
    Sorry, if I'm wrong and ignorant :)

    ReplyDelete
  2. Thanks Shilpa. Pajeeti ne sari..tiddupadi maadade. Tumba tumba thanks :)

    ReplyDelete